(1557) Page(s) 458.
La Rose sauvage a les fueilles rudes, piquantes, les braches & rinseaux pleins dêspines, comme la Rose cultivée, toutesfois les rinseaux sont plus grefles & les fueilles beacoup plus petites. Les fleurs sont aussi singles de couleur de blanche, ou tirant sur l'incarné, sans aucune odeur. Lesquel les tombées, y furvient des boutons ronds comme à la Rose cultivée, dans lesquelz est contenue la graine enveloppée f'une laine houssue. Sur ce Rosier sauvage croist souvent une boule houssue de couleur verde tirant sur le rouge, & se trouve environ le mois de Iuin.....est appelée...en Latin Rosa canina, & Rosa sylvestris: en François Rosa sauvage: en haut Aleman wilder Rosen, & Heckrosen: en bas Aleman Wilde Roosen, Ceste excroissance ronde & velue qui croist souvent sur le Rosier sauvage, est appelée d'aucuns Apothicaires Bedegar, mais non sans erreur, car Bedegar est le Chardon appelé communement Carlina.
(1557) Page(s) 457-458.
La Cinquiesme espece est une sorte de Rose single & petite, appelée Rose sentant la Canelle. Les feuilles de laquelle sont plus petites que les fueilles des autres, les rinseaux grefles, revestus d'espines, de couleur brunatre, croissans bien pres à la longueur des Roses de Province. Les fleurs sont petites, singles, odoriferantes, de couleur palle en rouge.....est appelée des Herboristes Brabansons Caneel Rooskens, c'est à dire Rose sentant la Canelle, & c'est par aventure Rosa praenestina de Pline.
(1557) Page(s) 458.
rose de l'Englentier odoriferant, lequel resemble au Rosier sauvage de reinseuax, & branches houssues à espineuses. Les fueilles ne leur retirent pas mal, plus verdes toutesfois & d'odeur fort amyable. Les fleurs sont singles, plus petites que la Rose sauvage, de couleur blanche pour la pluspart, aucunefois rouge, apres lesquelles viennent aussi des chapiteaux comme aux autres Roses, dedans lesquelz est enclose la graine......est appelée de Pline en Grec lychnis: en Latin Rosa Graeca: en François & bas Aleman Englentier.
(1557) Page(s) 457, 458.
La seconde espèce de Rose cultivée, qui est rouge, resemble à la Rose blanche de fueilles, reinseaux, & branches, elle ne parvient toutefois iamais à si grande hauteur, & les branches ne sont pas aussi si grosses. Les fleurs sont rouges, odoriferantes, semblables en figure aucx blanches.....est nommée Rosa purpurea, & Rosa rubra: en François Rose rouge: en haut Aleman roter Rosen: en bas Aleman roode Roosen. Et soubs ceste espece sont comprinses les Roses que Pline appelle en Trachinias, entre lesquelles Rosa Milesia sont les plus brunes rouges.
(1557) Page(s) 458-459.
Entre les especes de Rose sauvage, s'en trouve une qui a les reinseaux du tout couvers d'espines aigues: les fleurs petites, singles & blanches, de bien bonne odeur. Toute la plante est basse, & la plus petite d'entre les Roses tant domestiques que sauvages....croist sur les digues, & bord de la mer de Flandres.....a prins son nom en bas Aleman du lieu de sa naissance Duyn rooskens, & semble que ce soit ce que...en Latin Canirubus, & Rubus canis, & de Pline Rosa spineola.
(1557) Page(s) 457, 458.
La première espece de Rose cultivée est la Rose blanche, laquelle a tiges ou verges longues, ligneuses, de x.xii. ou xx. pieds de haut, aucunefois plus hautes quand elles sont bien menées, pleines en plusieurs endroits d'espines aigues & crochues. Les fueilles sont longues, rassemblés de cinq ou sept fueilles l'une contre l'autre, d'ond chacune à part soy est crenelée tout à l'entour comme une sie [scie] & ride. Les boutons croissent entre les fueilles sur courtes queuës, couverts de cinq feuillettes, dond les deux sont barbues à chaque costé, les deux non barbues, & la cinquiesme barbue seulement d'un costé. Les boutons ouvers, apparoissent de belles Roses odoriferantes & plaisantes, de couleur blanche, ayans au milieu plusieurs cheveux iaulnes. Les fleurs tombées il y croist de chapiteaux ronds, rouges quand ilz sont meurs, dans lesqlz est une graine dure enclose, enveloppée d'une l'aine. La racine du Rosier est ligneuse & brachue cõme la racine des Arbrisseaux......est appelée en Italie Rosa Damascena, en ce païs Rosa alba: en François Rose blanche: en haut Aleman weisz Rosen: en bas Aleman witte Rosen. Et ceste espece semble celle que Pline appelle en Latin Campana Rosa.
(1557) Page(s) 457-458.
La tierce espèce sont celles qu'on appelle Roses de Province, elles ont les reinseaux pareilz à la Rose rouge, sinon qu'elles croissent plus haut, non pas toutefois si haut que la Blanche, tellement que ce semble, ce que demonstrent aussi les fleurs car elles ne sont ne rouges ne blanches, mais une couleur moyenne entre le rouge & le blanc, bien pres incarnée, au reste semblables aux autres.....est appelée en ce païs Rose de Province: en bas Aleman Provinsche Roosen: en haut Aleman Liebfarbige Rosen, lesquelles sont par aventure celles que Pline appele Alabandica Rosa.
(1557) Page(s) 458.
La sixiesme espece de Roses, appellées Roses musquettes, a aussi les reinseaux plus grefles, les fueilles & fleurs plus petites que les autres Roses, Elle croist toutefois bien pres au si haut que la Rose de Provence. Les fleurs sont petites, singles, de couleur blanche, & d'odeur plaisante, non guere differentes en figure aux Roses sauvages, ou Roses sentans la Canelle....les Roses musquées fleurissent en May, & puis dereches en Septenbre, ou là environ......est appelée de Pline en Latin Rosa coroneola, des Modernes Rosa sera, & Rosa autumnalis: en François Rose musquée ou muscadelle: en bas Aleman Musket Rooskens, pour ce qu'elles semblent flairer le musc.
(1557) Page(s) 457.
La quatriesme espece sont les Roses brunatres de Provins, lesquelles resemblent bien pres aux autres de reinseaux & de fueilles. Mais les fleurs dicelle sont de belle couleur rouge obscur, & d'odeur fort plaisante. Celles icy sont les meilleurs pour en user en medecine.....s'appele Rose de Provins: en bas Aleman Provinsch Roose, à la difference des autres Roses rouges, Et celles icy semblent estre Rosa Milesia de Pline.
|
